Ново настаната состојба со вирусот кој наметна поинаков тек на живеење го промени балансот во размена на емоции, близина, соживот, комуникација и соработка помеѓу луѓето. Сето тоа се одрази во училишното опкружување, на наставните и воннаставните активности на учениците и на наставниците. Потребата за интервенирање преку различни техники, стратегии и приоди во наставните и воннаставните активности е предуслов од потребата за градење на личности со цврст карактер, јака воља, упорност и истрајност, личности кои ќе ги понесат предизвиците на секојдневието.